Vërshime të mëdha kanë ndodhur gjatë të shtunës në Pejë.
Si pasojë e vërshimeve, një nënë dhe djali i saj 5-vjeçar kanë vdekur nё lagjen “Asllan Çeshme” në Pejë.
Po ashtu janë shënuar edhe shumë dëme materiale.
Shumë qytetarë mbrëmë janë zënë në befasi nga shiu i madh, teksa kanë mbetur të bllokuar edhe në vetura.
Disa nga ta janë munduar të gjejnë rrugëdalje duke dalë nga dritarja e veturës e të tjera.
1
Media lokale “Peja në Fokus” ka publikuar pamje nga atje ku shihet një veturë në lagjen “Asllan Qeshme”, e cila nuk mund të lëvizte nga aty ku kishte mbetur, teksa një qytetar dëgjohej t’i bëjë thirrje shoferit të mos dilte prej saj.
Në pamjet e tjera shihet në veturë në rrugën “Mbreti Bardhyl” teksa rrëmbehet krejtësisht nga vërshimet.
