Kjo javë në territoret tona do të karakterizohet me mot mjaft të ndryshueshëm, me intervale kohore me diell, vranësira të cilat do të jenë dukshëm më të shpeshta dhe nganjëherë dukshëm më të dendura të cilat edhe do të sjellin reshje e rrebeshe të herëpashershme shiu.
Sidoqoftë, nuk do të mungojnë intervalet e gjata kohore pa reshje atmosferike, por vranësirat do të jenë pothuajse gjithmonë prezente sidomos në Shqipëri ku intervalet kohore me diell do të janë paksa më të rralla se në viset tjera, megjithatë edhe pse jemi në Mars nuk do të kemi temperaturat të ulëta, ngase ajri polar asesi të gjejë rrugën këtë dimër për të ardhur në viset tona.
Përkundër se nuk do të kemi ulje të ndjeshme të temperaturave kjo javë nuk do të jetë as shumë e nxehtë, ngase prania e shpeshtë e vranësirave do të bëjë të veten. Në përgjithësi temperaturat do të jenë mbi vlerat mesatare për këtë periudhë kohore po jo ekstremisht të larta.
Reshjet paksa më intensive atmosferike do të fillojnë sonte në Shqipëri, pastaj gjatë natës edhe në Kosovë dhe Maqedoninë e Veriut, prandaj parashieht ulje e përkohshme e temperaturave dhe reshje bore në viset e larta malore. E Marta do të jetë e freskët për shkak të reshjeve të shpeshta të shiut dhe vranësirave të dendura. Do të fryjnë erëra nga veriu, por të cilat nuk do të transportojnë ndonjë sasi të madhe të ajrit të ftohtë.
Nga e mërkura erërat do të kthehen kryesisht nga perëndimi, ndërsa vazhdon moti me vranësira, intervale kohore me diell dhe zhvillime të rrebesheve lokale të shiut të cilat do të paraqiten nganjëherë. Temperaturat do të shënojnë një ulje paksa më të theksuar ditën e Premte, për tu rritur përsëri për fundjavë-vikend.
E Premtja sjellë edhe reshje ose fjolla bore në zonat kodrinore-malore të Kosovës dhe lokalisht edhe në viset tjera kodrinore-malore të rajonit tonë.
Të shtunën sipas parashikimeve aktuale do të fillojnë përsëri të fryjnë erëra nga jugu dhe jugperëndimi që do të ndikojnë në rritjen e temperaturave, por parashihen vranësira lokale dhe reshje krejtësisht të pakta të karakterit lokal.
Pra, edhe një javë me mot të ndryshueshëm, me alternime të shpeshta mes intervaleve kohore me diell, vranësirave e reshjeve të shiu, por vranësirat do të jenë më dominuese. Temperaturat pothuajse pranverore, megjithatë ulen pak ditën e martë dhe më theksueshëm ditën e Premte, por pa ndonjë skenar dimëror. Mund të ndodhë të kemi acar të butë ndonjë natë, por kjo mbetet të shihet./MeteoBallkan