Sonte në disa rajone kodrinore malore të Kosovës mund të ketë fjolla bore si dhe në ekstremin juglindor të Shqipërisë. Në pjesët tjera të rajonit tonë pritet mot kryesisht i thatë, i vranët dhe relativisht i ftohtë, vende-vende me erëra të ftohta veriore dhe lindore.
Nësër në tërë rajonin tonë pritet të mbajë mot kryesisht i vranët dhe relativisht i ftohtë. Reshje atmosferike nuk pritet të ketë me ndonjë përjashtim shumë të vogël.
Të mërkurën pritet depërtimi i frontit të fuqishëm të ftohtë ajror nga veriu i cili do të krijojë një ciklon afër Detit Jon. Ky ciklon do të shkaktojë reshje bore në shumë rajone të Shqipërisë, ndoshta me përjashtim të Luginës Perëndimore dhe veripëndimit të Shqipërisë. Reshje dhe furtuna bore priten në shumë rajone të Shqipërisë jugore, juglindore, qendore, lindore dhe veriore. Reshje bore priten edhe në Kosovë por me intesitet më të ulët. Do të fillojnë të fryjnë erëra të fuqishme veriore, ndërsa në Shqipëri verilindore dhe lindore.
Nga e Enjta do të depërtojë acari i madh Siberik me erëra të fuqishme dhe të akullta veriore në Kosovë, lindore dhe verilindore në Shqipëri. Në Kosovë do të vazhdojnë reshjet lokale dhe të herëpashershme të borës të cilat do të përcillen me erëra të fuqishme veriore. Reshjet e borës do të përfshijnë shumë rajone në Shqipëri me përjashtim të perëndimit dhe veriperëndimit ku reshjet mund të paraqitën shkurtimisht. Reshje dhe furtuna bore priten edhe në Maqedoni dhe veriun e Malit të Zi.
Informacione tjera nesër në meteoballkan.com.
Në fund ju urojmë të gjithëve Vitin e Ri 2019 duke ju dëshiruar shëndet dhe suksese të pafundme në vitin 2019./Meteoballkan.
