Nesër në Kosovë na pret mot më i qetë, me intervale kohore me diell dhe vranësira të shpeshta, por pa reshje atmosferike. Mund të ndodhë ndonjë rigë e dobët afatshkurtër në ndonjë rajon. Temperaturat shënojnë rritje dhe ajo maksimale pritet të arrijë deri në 25 gradë Celsius.
Në Shqipëri, Maqedoninë Veriore, Mal të Zi dhe Kosoven Lindore nesër pritet të mbajë mot me intervale kohore me diell dhe vranësira të herëpashershme. Rrallë në ndonjë rajon mund të ketë ndonjë rigë shiu. Në bregdet më ngrohtë.
Të dielën paradite nxehtë dhe me intervale kohore me diell. Pasdite fillimisht në Kosovë dhe Mal të Zi priten rrebeshe lokale shiu me vetëtima dhe bubullimë, pastaj edhe në disa vise të Shqipërisë dhe Maqedonisë së Veriut.
Nga e hëna përmirësim i motit. Priten intervale kohore me diell dhe vranësira. Temperaturat shënojnë rritje graduale./MeteoBallkan
