Nesër në Kosovë pritet të mbajë mot i nxehtë dhe kryesisht me diell gjatë ditës dhe me zagushi, por në disa lokalitete (sidomos në disa vise në Dukagjin) priten rrebeshe të izoluara shiu me vetëtima dhe bubullimë, kurse vonë pasdite, në mbrëmje dhe gjatë natës atmosfera ka tendenca të vazhdojë të destabilizohet dhe vende-vende priten shkakresa atmosferike dhe rrebeshe lokale shiu të cilat vende-vende priten edhe orëve të mëngjesit të së Enjtes.
Temperatura gjatë ditës do të jenë të larta për të pësuar ulje orëve të mbrëmjes dhe gjatë natës.
Minimalja parashihet të zbres deri në 14 gradë Celsius, kurse maksimalja rreth 32 gradë Celsius.
Në Shqipëri nesër pritet të mbajë mot kryesisht me diell dhe mjaft i nxehtë veror, me përjashtim në verilindje priten zhvillime të rrebeshevelokale të shiut me vetëtima dhe bubullimë. Ndonjë rrebesh i izoluar mund të ndodhë edhe në veri e lindje të vendit.
Nxehtë nesër edhe në Maqedoninë Veriore dhe Luginë të Preshevës me mundësi për ndonjë stuhi të izoluar me vetëtima dhe bubullimë që vende-vende mund të fuqizohen gjatë natës dhe orëve të mëngjesit të së enjtes.
Të enjten na pret mot më i freskët me diell e vranësira. Orëve të mëngjesit priten rrebeshe lokale shiu me vetëtima dhe bubullimë që do të shëqorohen me një front të ftohtë ajror që do të kushtëzojë ulje të temperaturave. Gjatë ditës stabilizim i motit dhe rritje e temperaturave.
Të Premten dhe të Shtunën na pret mot kryesisht me diell dhe i nxehtë. Të shtunën pasdite vonë mund të ketë stuhi të izoluara, kurse destabilizim të fuqishëm të motit presim të dieelën./MeteoBallkan
