Nesër në Kosovë na pret mot me diell dhe shumë i nxehtë. Temperaturat do të shënojnë rritje të mëtutjeshme, prandaj rekomandohet kujdes i lartë orëve të mesditës. Pasdite vonë mund të ndodhë rigë ose rrebesh i shkurtër në malet e Rugovës.
Minimalja pritet të zbres deri në 18 gradë Celsius, kurse maksimalja parashihet deri në 36 apo ndoshta edhe 37 gradë Celsius.
Në Shqipëri, Maqedoninë Veriore, Luginë të Preshevës dhe mal të Zi nesër pritet të mbajë mot me diell dhe me vapë të fuqishme verore. Temperaturat parashihet të arrijnë dhe tejkalojnë shifrën 40 në viset më të nxehta të Shqipërisë dhe Maqedonisë së Veriut. Pasdite vonë në disa zona mund të ketë rrebeshe afatshkurtra shiu me vetëtima dhe bubullimë, kryesisht në disa zona malore në jug të Shqipërisë. Këto zhvillime të izoluara nuk do të ndikojnë fare në gjendjen e përgjithshme sinoptike.
Vapë e fuqishme pritet të mbretërojë edhe të mërkurën, kurse pasdite priten zhvillime të izoluara në pjesë të Kosovës me mundësi për rrebeshe kalimtare shiu me vetëtima dhe bubullimë. Këto zhvillime parashihet të jenë tërësisht të izoluara në pak rajone të Kosovës.
Të enjten pak më freskët në Kosovë, kurse në Maqedoninë Veriore dhe gjysmën jugore të Shqipërisë priten stuhi të fuqishme shiu me bubullima. Këto stuhi do të ndikojnë në freskim afatshkurtër lokal të motit dhe nuk do të kapin shumë territor. Në Kosovë nuk priten zhvillime./MeteoBallkan
