Nesër në Kosovë pritet të mbajë mot kryesisht me diell dhe pak më i freskët, ngase temperaturat do të shënojnë ulje të lehta.
Rrallë në ndonjë rajon mund të ketë ndonjë rigë ose rrebesh të shkurtër shiu, ndërsa temperaturat parashihet të lëvizin nga 17 deri në 32 gradë Celsius.
Ndryshe do të jetë koha në Shqipëri. Paradite me diell dhe shumë nxehtë, ndërsa pasdite në pjesët qendrore, lindore dhe jugore të Shqipërisë pritet destabilizim i fuqishëm i atmosferës me rrebeshe dhe stuhi lokale shiu me vetëtima dhe bubullimë. Destabilizim i atmosferës pritet edhe në shumë pjesë të Maqedonisë së Veriut ku lokalisht priten rrebeshe lokale shiu me rrufe dhe breshër.
Edhe dita e Premte do të jetë e ngjashme, në Kosovë kryesisht me diell dhe e thatë, ndërsa në pjesët qendrore dhe jugore e juglindore të Shqipërisë priten stuhi të reja shiu me rrufe dhe bubullima. Mot jo-stabil pritet të Premten pasdite edhe në pjesë të Maqedonisë së Veriut.
Veriu u Shqipërisë, Mali i Zi dhe Kosova pa ndonjë shpresë për reshje të Premten. Temperaturat do të shënojnë ulje të lehta në zonat me reshje ku pritet freskim afatshkurtër pas vapës së madhe verore.
Fundjava jo shumë shumë e nxehtë. Në Kosovë vazhdon mot i thatë, kurse në pjesë të Shqipërisë priten rrebeshe lokale shiu me vetëtima dhe bubullimë dhe freskime afatshkurtra të motit/MeteoBallkan
