Nesër në Kosovë pritet të mbajë mot me vranësira të pakta lokale dhe intervale të gjata kohore me diell. Pas acarit të mëngjesit gjatë ditës priten rritje të temperaturave të cilat pritet të dalin në “plus” dhe ato maksimalet pritet të luhaten nga 2 deri në 6 gradë Celsius.
Në Shqipëri dhe tërë rajonin nesër pritet të mbajë mot kryesisht me diell dhe vranësira të pakta lokale. Temperaturat shënojnë rritje të lehta. Nëpër disa lugina të rajonit ka gjasa për mjegull ose vranësira të ulëta.
Edhe ditëve të ardhshme do të vazhdojë të mbajë mot i ngjashëm me ndryshime të vogla. Do të vazhdojnë erërat kryesisht nga veriu të cilat pritet të fuqizohen nganjëherë për shkak të kalimit të disa fronteve të dobëta, të ftohta ajrore, por temperaturat ditore do të jenë në “plus”./MeteoBallkan
