Nesër në Kosovë pritet të mbajë mot kryesisht me diell dhe me ulje të lehta të temperaturave. Rrallë në ndonjë rajon mund të ketë ndonjë rigë ose rrebesh të izoluar shiu.
Temperaturat parashihet të luhaten nga 16 minimalja deri në 31 gradë Celsius ajo maksimale.
Në Shqipëri nesër pritet të mbajë mot mjaft i ndryshueshëm. Në veri kryesisht me diell dhe thatë. Pasdite në jug dhe juglindje të vendit parashihet destabilizim i fuqishëm i motit me zhvillime të fuqishme konvektive dhe rrebeshe lokale shiu me vetëtima dhe bubullimë. Vende-vende priten rrebeshe mjaft intensive. Rrebeshe lokale priten në pjesët qendrore dhe lindore të Shqipërisë.
Edhe në Maqedoninë Veriore nesër pritet të mbajë mot me diell dhe në disa rajone me zhvillime të fuqishme konvektive dhe stuhi lokale shiu me vetëtima dhe bubullimë sidomos në jugperëndim të Maqedonisë së Veriut dhe lokalisht edhe në perëndim. Në viset tjera më pak zhvillime dhe më shumë diell. Temperaturat do të shënojnë ulje në rajonet me zhvillime dhe stuhi lokale.
Gjatë fundjavës na pret mot me diell e vranësira lokale kryesisht të pakta në Kosovë. Pak më shumë vranësira priten në disa vise të Shqipërisë si në jug e perëndim dhe disa zona tjera me rrebeshe lokale shiu me vetëtima dhe bubullimë. Rrebeshe lokale afatshkurtra priten edhe në viset bregdetare në jug dhe qendër të vendit.
Në Kosovë kryesisht me diell e pa reshje, por jo shumë nxehtë. megjithatë të dielën pritet rritje e temperaturave.
Fillimi i javës së re vjen me vapë verore dhe rrebeshe të izoluara./MeteoBallkan
