Nesër në Kosovë do të kemi menjëherë rritje të ndejshme të temperaturave pas një mëngjesi mjaft të freskët.
Gjatë ditës priten periudha me diell dhe vranësira lokale ditore. Nuk priten reshje atmosferike dhe atmosfera do të ketë stabilitet të plotë.
Temperatura minimale parashihet të zbres deri në 10 gradë Celsius, kurse ajo maksimale pritet të shkojë deri në 27 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira ditore lokale. Rrallë në disa vise të Shqipërisë dhe Maqedonisë së Veriut mund të ketë ndonjë rigë ose rrebesh të shkurtër shiu. Në përgjithësi atmosfera do të ketë tendencë stabilizimi.
Temperatura deri në 30 gradë Celsius priten në disa pjesë të Shqipërisë.
Të enjten dhe të premten na pret mot me diell e vranësira ditore lokale. Do të jetë edhe më nxehtë, prandaj kemi thënë se vera nuk do të dorëzohet lehtë. Temperaturat në Kosovë maksimalja do të shkojë deri në 29 dhe ndoshta edhe 30 gradë Celsius. Në fundjavë ka mundësi për destabilizim lokal të atmosferës me gjasa për zhvillime të rrebesheve lokale të shiut me vetëtima dhe bubullimë.
Vlen të theksohet se situata sinoptike për këtë fundjavë ende nuk është krejtësisht e qartë në modelet globale meteorologjike për parashikim të motit./MeteoBallkan
