Nesër në Kosovë do të mbajë mot kryesisht i thatë dhe mund të ketë edhe intervale kohore me diell. Pra pas ndërprerjeve të reshjeve gjatë natës së sontme nesër do të kemi ditë kryesisht pa reshje. Do të fillojë të fryjë erë nga jugu si rezultat i afrimit të ciklonit të ri nga Mesdheu dhe Adriatiku. Në mbrëmje vonë do të kemi fillimin e reshjeve të shiut ndërsa vetëm në viset më të larta malore mund të ketë reshje bore.
Në Shqipëri nesër paradite kryesisht mot i thatë dhe pa reshje kurse pasdite apo në mbrëmje pritet që të kemi fillimin e depërtimit të ciklonit të ri nga Mesdheu dhe Adriatiku. Në mbrëmje dhe gjatë natës priten reshje shiu ndërsa në disa vende sidomos në rajonet bregdetare do të ketë edhe rrebeshe të fuqishme lokale shiu me vetëtima dhe bubullimë.
Edhe në Maqedoni nesër me mot kryesisht të vranët dhe të thatë. Do të jetë relativisht ftohtë. Në mbrëmje vonë priten reshje shiu edhe në territorin e Maqedonisë.
Të Martën në tërë rajonin tonë vranët dhe me reshje shiu. Reshjet më të mëdha të shiut priten në veriperëndim dhe jug të Shqipërisëm por edhe në rajone tjera herë pas here priten reshje mesatare deri të dendura shiu.
Edhe të mërkurën mot i vranëst dhe me reshje shiu në tërë rajonin tonë, kurse nga e Enjta mund të kemi stabilizim të motit. Ishte ky parashikimi i motit sipas ecurive më të reja sinoptike. /Meteoballkan.
