Të Mërkurën në Kosovë vazhdon vapa e fortë verore, por mund të ketë ulje të lehta të temperaturave edhe pse kjo nuk do ndjehet.
Gjatë tërë dites pritet mot me diell dhe shumë i nxehtë. Pasdite vonë në disa vise më të larta malore mund të ketë ndonjë rrebesh të izoluar shiu ndonjë vetëtimë dhe bubullimë kryesisht në malet e Rugovës.
Temperaturat pritet të luhaten nga 18 minimale deri në 36 apo 37 gradë Celsius maksimalja.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe shumë i nxehtë veror.
Të Enjten dhe të Premten edhe më nxehtë. Temperaturat në Kosovë priten deri në 40 gradë Celsius, madje mund të ndodhë edhe ndonjë gradë më lartë. Në Shqipëri dhe Maqedoninë Veriore mbi 40 gradë Celsius.
Vapa e fuqishme verore do të vazhdojë edhe të shtunën me gjasa për zhvillime të rrebesheve të izoluara të shiut me vetëtima dhe bubullimë kryesisht në viset kodrinore-malore.
Të dielën destabilizim i fuqishëm i motit me stuhi kalimtare dhe rrebeshe lokale shiu me vetëtima, bubullimë dhe breshër. Temperaturat do të shënojnë ulje dhe freskimi i motit do të jetë i mirëpritur pas valës mjaft të fuqishme të nxehtësisë verore. Shumë pak rrebeshe ose fare priten në perëndim dhe jug të Shqipërisë bazuar në parashikimet e tanishme të cilat ende nuk janë përfundimtare./MeteoBallkan
