Nesër në Kosovë pritet të mbajë mot mjaft i nxehtë dhe kryesisht me diell, por do të ketë edhe vranësira lokale të cilat rrallë në disa rajone do të zhvillohen dhe do të kushtëzojnë rrebeshe të izoluara shiu me ndonjë vetëtimë dhe bubullimë. Reshje të pakta dhe të izoluara priten orëve të pasdites eventualisht mbrëmjes.
Temperaturat pritet të luhaten nga 17 deri në 35 gradë Ceslius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot mjaft i nxehtë dhe me diell, por pasdite destabilizim i fuqishëm në pjesë të Maqedonisë së Veriut priten stuhi të fuqishme të izoluara shiu me vetëtima dhe bubullimë. Rrebeshe të izoluara priten edhe në pjesët të Shqipërisë jugore, lindore dhe juglindore. Temperaturat mund të shënojnë ulje në zonat e zhvillimeve konvektive por vetëm për pak kohë.
Vapa intensive verore do të vazhdojë edhe ditëve të ardhshme, por të martën pasdite edhe në Kosovë pritet destabilizim i atmosferës, me rrebeshe të izoluara dhe freskim afatshkurtër në zonat me rrebeshe shiu. destabilizim të martën pasdite pritet edhe në Maqedoninë e Veriut, Rrebeshet do të jenë kalimtare dhe të karakterit lokal.
Mot i nxehtë vazhdon edhe nga e mërkura me mundësi për zhvillime të izoluara në të gjitha viset, zhvillime të cilat nuk do të ndikojnë shumë në gjendjen e përgjithshme sinoptike./MeteoBallkan
