Nesër në Kosovë pritet të kemi mot me intervale kohore me diell, zagushi dhe vranësira të shpeshta me rrebeshe lokale shiu. Pasdite priten zhvillime mjaft të fuqishme të vranësirave konvektive të cilat pritet të sjellin rrebeshe dhe stuhi shiu me vetëtima, bubullimë dhe mundësi për breshër. Vende-vende mund të ketë edhe vërshime të shpejta për shkak të rrebeshe (eventuale) të rrëmbyeshme të shiut.
Në Shqipëri, Maqedoninë Veriore, Mal të Zi dhe Kosoven Lindore nesër pritet të mbajë mot me intervale kohore me diell dhe vranësira të shpeshta. Vende-vende priten rrebeshe intensive dhe breshër në viset kontinentale, ndërsa në bregdet më pak reshje.
Ditëve të ardhshme na pret mot mjaft i ndryshueshëm, me intervale kohore me diell dhe zagushi si dhe me vranësira të shpeshta të cilat pritet të zhvillohen (më shumë pasditeve dhe mbrëmjeve) dhe të sjellin rrebeshe lokalisht të fuqishme shiu me vetëtima dhe bubullimë.
Fillimi Shtatorit me mundësi për reshje të dendura.
Edhe fillimi i Shtatorit pritet të na sjellë mot të ndryshueshëm, me intervale kohore me diell dhe vranësira të cilat pritet të kushtëzojnë reshje të herëpashershme shiu dhe rrebeshe lokale me vetëtima dhe bubullimë./MeteoBallkan