Nesër në Kosovë pritet të mbajë mot me diell dhe vranësira të pakta lokale. Mëngjesi do të jetë mjaft i ftohtë, vende-vende me mjegull dhe acar, por pak më butë se natën e kaluar. Temperatura minimale deri në -4 gradë Celsius, kurse ajo maksimale pritet të shënojë rritje të ndjeshme deri në 10 apo 11 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot me diell dhe stabil. Pas mëngjesit të ftohtë, vende-vende me mjegull dhe acar, dita shënon rritje të ndjeshme të temperaturave dhe rreze të shumta diellore.
Nga e Marta na pret mot kryesisht me diell dhe me rritje të mëtutjeshme të lehta të temperaturave. Mëngjeset do të vazhdojnë të jenë të ftohta dhe me acar, por jo të fortë. Do të ketë edhe krijim të mjegullës (nëpër lugina dhe disa ultësira) sidomos orëve të mbrëmjes, natës dhe mëngjesit.
Nga e Enjta ndryshim gradual i motit dhe shtim gradual i vranësirave. Të Premten dendësim i vranësirave dhe reshje shiu e mundësi edhe për reshje bore sidomos në Kosovë./MeteoBallkan
