Sot në Kosovë pritet të mbajë mot kryesisht me diell dhe i nxehtë veror. Orëve të pasdites mund të ketë zhvillime të ndonjë rrebeshi të izoluar shiu me vetëtima dhe bubullimë.
Në Shqipëri, Maqedoninë Veriore, Kosovën lindore dhe Mal të Zi pritet të mbajë mot kryesisht me diell dhe mjaft i nxehtë. Pasdite rrallë në disa vise kryesisht kodrinore-malore mund të ketë ndonjë rrebesh afatshkurtër shiu me vetëtima dhe bubullimë.
Të martën kulminacioni i të nxehtit afrikan. Priten temperatura të larta në tërë rajonin tonë dhe mot kryesisht me diell.
Të mërkurën përkeqësim gradual i motit. Fillimisht do të vazhdojë të jetë shumë nxehtë dhe me erëra të nxehta nga jugu dhe jugperëndimi. Pasdite ose në mbrëmje në Kosovë depërton fronti i ftohtë ajror nga veriu dhe veriperëndimi. Pritet destabilizim i motit me erëra të forta kalimtare nga veriu dhe veriperëndimi. Vende-vende do të ketë edhe shtrëngata kalimtare shiu me vetëtima, bubullimë dhe breshër. Temperaturat shënojnë ulje të ndjeshme sidomos në Kosove ku të enjten pritet të mbajë mot mjaft i freskët./METEOBALLKAN
