Sot në Kosovë na pret mot dimëror. Reshjet e borës pritet të intensifikohen nga mesdita ose pasdite dhe sidomos në jug dhe juglindje të vendit priten reshje të dendura bore, lokalisht edhe në vise tjera.
Në gati tërë territorin do të krijohen shtresa nga 2 cm. deri në 35 cm.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot plotësisht i vranët dhe me reshje të dendura shiu e reshje të dendura bore. Reshje shiu në zonat mesdhetare, e reshje bore në zonat kontinentale të Shqipërisë, në veri të Malit të Zi, Luginë dhe pasdite edhe në Maqedoninë Veriore. Në viset kodrinore-malore pritet dimër klasik me stuhi bore sidomos në malet mes Malit të Zi dhe Kosovës si dhe mes Kosovës, Maqedonisë së Veriut dhe Shqipërisë.
Të dielën ftohtë dhe me reshje sporadike bore. Priten edhe intervale kohore me diell, por mbetet mjaft ftohtë.
Nata mes së dielës e së hënës me acar polar. Fillimi i javës së ardhshme me rritje të lehta graduale të temperaturave e reshje të reja atmosferike nga e marta./MeteoBallkan
