Sot në Kosovë pritet të mbajë mot kryesisht me diell dhe shumë i nxehtë. Temperaturat maksimale pritet të luhaten nga 33 deri në 37 gradë Celsius.
Në Shqipëri, Maqedoninë Veriore, Mal të Zi dhe Kosovën Lindore pritet të mbajë mot kryesisht me diell dhe mjaft i nxehtë. Temperaturat në viset mesdhetare pritet të arrijnë deri në 40 gradë Celsius.
Edhe ditëve të ardhshme pritet të mbajë mot kryesisht stabil, me diell dhe shumë i nxehtë. Temperaturat pritet të rriten edhe më shumë. Në Kosovë të mërkurën pasdite mund të ketë ndonjë rrebesh të izoluar shiu me ndonjë vetëtima, bubullimë dhe breshër, por shumica e territorit pa reshje.
Nga e enjta përsëri nxehtë dhe me diell. Temperaturat pritet të arrijnë deri në 39 gradë Celsius në Kosovë, ndërsa në disa vise të Shqipërisë dhe Maqedonisë së Veriut temperatura maksimale mund të arrijë deri në 42 gradë Celsius./Meteoballkan
