Paraditja e nesërme në Kosovë pritet të jetë e nxehtë dhe me diell, por gjatë dites ose pasdite pritet të kemi shtim të konsiderueshëm të vranësirave dhe po ashtu zhvillime të fuqishme konvektive të vranësirave të cilat do të kushtëzojnë rrebeshe lokale shiu me vetëtima, bubullimë dhe mundësi për breshër. Reshjet nuk pritet të zgjasin shumë dhe nuk pritet të jenë gjithëpërfshirëse, por disa rajone mund të përfshihen nga rrebeshe mjaft të fuqishme shiu me vetëtima dhe bubullimë.
Rrebeshe lokalisht të fuqishme nesër priten në Kosovë, veri të Shqipërisë, Mal të Zi dhe Maqedoninë Veriore, por në të gjitha trojet rrebeshet do të jenë të karakterit lokal. Gjatë dhe pas rrebesheve të shiut do të ketë ulje të temperaturave, dhe për pasojë dita e shtunë do të jetë jo shumë e nxehtë, me intervale të gjata kohore me diell dhe vranësira lokale. Nga e diela përsëri rritje e temperaturave./MeteoBallkan
