Fronti i ftohtë ajror i përcjellur me reshje shiu dhe bore në viset malore i është afruar kufirit të Kosovës por duhet pritur ende. Gjatë orëve të ardhshme apo afërsisht nga mesnata do të kalojë fronti dhe do të kemi fuqizimin e erërave veriore të cilat do të ndikojnë në uljën e temperaturave.
Reshjet atmosferike do të jenë kalimtare dhe nuk pritet të zgjasin shumë. Në viset e ulëta priten reshje shiu kurse në viset kodrinore-malore reshje bore. Nuk përjashtohet mundësia që fjolla bore të paraqiten edhe në disa rajone të ulëta. Pas kalimit të frontit do të kemi erërat veriore të cilat do të shtojnë dukshëm ndjesinë subjektive të të ftohtit. Gjatë ditës së nesërme nuk priten reshje atmosferike pornë mëngjes dhe paradite do të ketë erëra veriore të cilat do të dobësohen.
Gjatë ditës pritet stabilizim i motit kurse në mbrëmje dhe natën e ardhshme priten ngrica apo temperatura të ulëta të cilat mund të sillen nga minus 4 deri në minus 8 minimalja në viset malore. Natën e ardhshme mund të ketë edhe mjegull.
Informacione tjera në postimet tona të ardhshme./Meteoballkan.
