Frontet e lagështa ajrore të cilat po depërtojnë në Ballkan vështirë po arrijnë në territoret tona, megjithatë gjatë natës sonte dhe ditës së nesërme më në fund pritet të kemi një front i cili pritet të na sjellë reshje aq shumë të dëshiruara shiu. Në viset më të larta malore mund të ketë edhe reshje bore.
Pas shumë ditëve dhe javëve pa reshje atmosferike thatësia ka kapluar disa rajone, por kjo mund të “zbutet” pak a shumë gjatë natës dhe ditës së nesërme.
Sonte pritet të fillojnë reshjet e shiut në disa rajone, ndërsa gjatë ditës së nesërme pritet të kemi mot mjaft të ndryshueshëm me reshje të shpeshta lokale shiu. Vende-vende priten rrebeshe intensive lokale me vetëtima dhe bubullimë. Nuk përjashtohet mundësi që të ketë edhe breshër në ndonjë rajon. Reshje lokale shiu priten edhe në Shqipëri, sidomos në gjysmën veriore të vendit. Reshje lokale priten edhe në jug të vendit, por më të pakta, ndërsa në skajin jugor të Shqipërisë nuk priten fare reshje. Rrebeshe lokale nesër priten edhe në Maqedoninë Veriore, Mal të Zi dhe Luginën e Preshevës.
Të shtunën përmirësim i motit dhe pranverë e vërtetë me temperatura madje edhe verore./Meteoballkan
