Viti 2018 ishte më i nxehti i regjistruar ndonjëherë në Zvicrën e veriut, ndërsa e njëjta gjë mund të jetë edhe për zonat në jug të Alpeve.
Temperaturat në të gjithë vendin në vitin 2018 ishin një mesatare prej 2.5C më e lartë se për vitet 1961-1990, tha SRF Meteo në një deklaratë, njofton MeteoBallkan.
Temperaturat ishin gjithashtu një mesatare 2C më lartë në veri të vendit dhe 1.5C më e lartë në jug të Alpeve krahasuar me periudhën 1981-2010. Modeli për vitin ishte i dukshëm që nga fillimi, me disa pjesë të vendit që përjetuan janarin më të ngrohtë në rekord.
Shkurtidhe marsi ishin më të ftohtë se zakonisht megjithatë, temperatura më e nxehtë në Zvicër këtë vit – prej 36.2C në Sion në kantonin e Valais më 5 gusht – është shumë larg rekordit të gjithë kohës prej 41.5C, që mbahet nga Misox në kantonin e Graubünden në 2003. Ndërkohë, temperatura më e ftohtë e regjistruar nga stacionet zyrtare të motit ishte -30.9C në malin Piz Corvatsch, gjithashtu në Graubünden.
