Sot në Kosovë pritet të mbajë mot shumë i nxehtë dhe me diell, kurse pasdite vonë do të ketë vranësira të cilat edhe mund të zhvillohen dhe në disa rajone mund të kushtëtojnë rrebeshe të izoluara shiu me vetëtima dhe bubullimë.
Temperaturat do të jenë shumë të larta dhe minimalja pritet të zbres vetëm në 17 gradë Celsius, kurse maksimalja parashihet të arrijë deri në 38 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi pritet të mbajë mot me diell dhe shumë i nxehtë veror. Temperaturat pritet të “prekin” 40 gradë Celsius në zonat më të nxehta të Shqipërisë, Maqedonisë së Veriut dhe Malit të Zi.
Mjaft nxehtë do të jetë edhe dita e martë, megjithatë orëve të pasdites priten zhvillime të vranësirave konvektve dhe vende-vende parashihen rrebeshe shiu me vetëtima, bubullimë dhe breshër. Nxehtësia dhe shirat e izoluar do të ndikojnë që zagushia të jetë mjaft e lartë si të martën po ashtu edhe të mërkurën. Edhe të mërkurën parashihet mot i nxehtë, me diell dhe zhvillime të stuhive lokale me bubullima dhe breshër. Temperaturat do të fillojnë të pësojnë ulje graduale./MeteoBallkan
