Sot në Kosovë parashihet të mbajë mot kryesisht me diell, vranësira të pakta lokale dhe mjaft i nxehtë.
Rekomandohet kujdes i shtuar orëve të mesditës për shkak të nxehtësisë dhe niveleve të larta të rrezeve UV.
Temperaturat parashihet të luhaten nga 17 deri në 35 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe shumë i nxehtë. Vapa verore parashihet të jetë intensive orëve të mesditës.
Pasdite në jug të Shqipërisë mund të ketë disa zhvillime me ndonjë rrebesh të izoluar shiu me vetëtima dhe bubullimë.
Vapa e fortë verore do të vazhdojë edhe të martën dhe të mërkurën.
Të mërkurën pasdite vonë në disa pjesë të Kosovës mund të ketë zhvillime të vranësirave dhe freskim lokal të motit me rrebeshe lokale shiu me vetëtima dhe bubullimë./MeteoBallkan
