Sot në Kosovë pritet të mbajë mot shumë i nxehtë veror dhe i kthjellët.
Pas një fronti të dobët të ftohtë ajror që të dielën solli rrebeshe lokale shiu dhe freski të shumëpritur kryesisht viseve kodrinore-malore të Kosovës dhe pak disa viseve tjera, të Hënën do të kemi vetëm vapë të fortë verore dhe pa ndonjë gjasë për ndonjë freskim. Rekomandohet kujdes i shtuar orëve të mesditës sidomos për personat e ndjeshëm.
Temperaturat maksimale pritet të arrijnë deri në 36 apo 37 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Hënën pritet të mbajë mot kryesisht me diell dhe mjaft i nxehtë. Temperaturat do të shënojnë rritje në të gjitha viset.
Të Martën vazhdon vapa e fortë verore dhe kthjelltësia në atmosferë. Vonë në mbrëmje një front plotësisht i dobësuar mund ti afrohet veriut të Kosovës, por pa ndonjë impakt të rëndësishëm.
Të Mërkurën po ashtu shumë nxehtë, me mundësi për ulje krejtësisht të lehta të temperaturave dhe ndonjë rrebesh vetëm në viset e larta malore./MeteoBallkan
