Sor në Kosovë pritet të mbajë mot i ftohtë dhe kryesisht i vranët. Ka mundësi për intervale të shkurtra kohore me diell dhe po ashtu për reshje të pakta bore.
Temperaturat pritet të luhaten nga -4 minimalja deri në 4 gradë C ajo maksimale.
Në Shqipëri pritet të mbajë mot kryesisht i vranët dhe me reshje të shpeshta lokale shiu, shqote e bore sidomos në zonat qendrore dhe lindore të vendit. Edhe në veriperëndim të Maqedonisë së Veriut priten reshje të herëpashershme bore, kurse në viset tjera më shumë thatë, por me mundësi për reshje të pakta lokale.
Reshje të pakta bore priten edhe në disa pjesë të Malit të Zi, kurse në Luginë të Preshevës kryesisht thatë dhe vranët.
Të martën do të kemi ndryshimin e drejtimit të erërave dhe do të rifillojnë erërat jugore. Në Kosovë do të ketë vranësira dhe intervale kohore me diell dhe temperaturat rriten afërsisht deri në 8 apo 9 gradë Celsius. Intervale me diell priten edhe në Maqedoninë Veriore, por më shumë vranësira priten në Shqipëri. Reshje nuk priten ditën e martë. Vetëm në Mal të Zi dhe thellë në veri të Shqipërisë do të ketë reshje të pakta kryesisht shiu.
Nga mërkura vonë pasdite ose në mbrëmje do të rikthehen reshjet lokale të shiut, më intensive në Shqipëri. Temperaturat do të shënojnë rritje për shkak të rrymimeve të fuqishme ajrore nga perëndimi që kushtojnë erëra jugore dhe perëndimore. Do të kemi mot të ndryshueshëm, jo të ftohtë, me vranësira të shpeshta, periudha me diell dhe periudha me reshje shiu./MeteoBallkan
