E Premtja pritet të jetë dita më e ngrohtë e kësaj jave ku pritet të mbajë mot me diell dhe vranësira lokale duke mos përjashtuar mundësinë edhe për ndonjë rigë ose rrebesh të izoluar shiu me vetëtima dhe bubullimë vetëm në disa rajone të caktuara. Temperatura maksimale pritet të arrijë deri në 26 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot me diell dhe vranësira lokale. Rrebeshe shiu priten në shumë vise të Malit të Zi, ndërsa parashihen më pak edhe në disa vise të Shqipërisë. Rrymimet ajrore nga jugu do të jenë mjaft të fuqishme.
Fundjava vjen me ulje të ndjeshme të temperaturave, shtim të vranësirave dhe reshje lokale shiu. Reshje dukshëm më intensive priten në Maqedoninë Veriore, dhe në disa vise në Shqipërinë lindore dhe juglindore dhe në pjesët juglindore të Kosovës. Në viset tjera dukshëm më pak reshje dhe kjo mund të ndryshojë ende nëse kemi zhvendosjen më minimale të trajktores së ciklonit masiv i cili nga Afrika veriore rrugëton drejt Egjeut, Greqisë, Turqisë në direkt në Detin e Zi./MeteoBallkan
