Qershori 2025 ka filluar i thatë dhe po vazhdon me një thatësi ekstreme dhe toka po thahet, ndërsa shumë kultura bujqësore kanë nevojë për ujë në këtë periudhë.
Zona të fuqishme ajrore me presion të lartë atmosferik që nënkuptojnë masa të fuqishme ajrore anticiklonike janë përgjegjësi për këtë thatësi ekstreme.
Këto masa të thata ajrore po zhvillohen vazhdimisht duke krijuar bllokada të fuqishme anticiklonike duke mos lejuar frontet e ftohta dhe të lagështa nga Atlantiku të depërtojnë në territoriet tona.
Mbizotërimi anticiklonik do të vazhdojë edhe ditëve të ardhshme, ndërsa frontet e ftohta tentojnë të depërtojnë nga Evropa. Frontet e ftohta ajrore arrijnë të depërtojnë në Evropë si Francë, Angli dhe nganjëherë deri në Evropen qendrore duke krijuar kushte për zhvillimin e stuhive të fuqishme me shi dhe rrebesheve intensive me vetëtima dhe bubullimë.
Stuhi të fuqishme shiu u regjisturan në shumë pjesë të Francës dhe Anglisë, ndërsa ato avansojnë në drejtim të Gjermanisë, veriut të Italisë, Zvicres dhe zonat përreth, por pa gjasa të mëdha që ato të vijnë edhe në viset tona për shkak të masave të fuqishme ajrore anticiklonike, prandaj thatësia do të vazhdojë.
Gjatë javës së re këto fronte mund të arrijnë deri në Ballkan, por pa ndonjë impakt të madh. Stuhi kalimtare mund të ketë në Slloveni, Kroaci, pjesë të Bosnjës dhe Hercegovinës, madje deri në Mal të Zi, por me ardhjen e këtyre masave në viset tona ato mund të dobësohet pothuajse tërësisht, por megjithatë nuk përjashtihet mundësia që gjatë javës së re, megjithatë të ketë zhvillime të rrebesheve të izoluara të shiut me vetëtima dhe bubullimë edhe në viset tona dhe kjo do të varet plotësisht nga fuqia eventuale e këtij fronti të ftohtë dhe sasia e ajrit jo-stabil që mund të depërtojë.
Një sasi pak më e madhe e ajrit jo-stabil mund të krijojë kushte për zhvillime më të fuqishme dhe freski, por për momentin sinjalet nuk janë shumë pozitive apo optimiste.
Sipas të gjitha gjasave gjatë javës së re mund të kemi ndonjë përkeqësim të pjesshëm me disa zhvillime dhe rrebeshe të izoluara, por kjo ende mund të ndryshojë pak a shumë.
Sidoqoftë, vazhdonë thatësia ekstreme dhe pa ndonjë ciklon të mirëfillt vështirë që mund të kemi ndonjë zbutje të thatësisë. Gjasat për ndonjë ciklon më substancial gjatë Qershorit nuk duken të mëdha tani për tani.
Mbetemi me shpresë që të paktën vende-vende mund të kemi sadopak ndonjë rrebesh shiu gjatë javës së re që mund të zbusë sadopak gjendjen me thatësinë e madhe. Ne do të jemi duke ndjekur evoluimin e gjendjes sinoptike dhe shpresojmë të japim ndonjë lam të mirë, përndryshe sipas shumë gjasave thatësia dhe nxehtësia do të vazhdojnë gjatë tërë Qershorit.
Mbetemi me shpresë për ndryshime në parashikim./MeteoBallkan
