Cikloni i fuqishëm Mesdhetar ka kushtëzuar reshje të fuqishme shiu e bore në shumë pjesë të Evropës e veçanërisht në Ballkanin perëndimor. Reshjet më të fuqishme atmosferike po ndodhin në Alpet Evropiane dhe përgjatë Bregdetit të detit Adriatik në Kroaci ku nga stuhitë e fuqishme dhe reshjet e rrëmbyeshme të shiut kanë shqetësuar banorët e Dalmacisë për shkak të rritjes së shpejtë të nivelit të lumenjve.
Për momentin reshjet kanë ulur intensitetin e tyre dhe janë ndërprerë megjithatë ciklone tjera do të vazhdojnë të depërtojnë nga Atlantiku përmes Italisë në drejtim të Gadishullit Ballkanik duke sjellur reshje të reja të rrëmbyeshme shiu sidomos në zonat bregdetar ku priten edhe rrebeshe të fuqishme shiu me vetëtima dhe bubullimë.
Masat ajrore ciklonike me trysninë e tyre nga e diela e hëna do të depërtojnë edhe më thellë në juglindje duke përfshirë edhe Shqipërinë me reshje të dendura shiu. Shumë pjesë të Shqipërisë po përballën me thatësi ekstreme, por kjo gjendje do të zbutet sadopak ditëve të ardhshme. Reshjet shiu priten edhe në Kosovë dhe Maqedoninë Veriore./Meteoballkan
Dalmacijadanas.hr