Anticikloni i fuqishëm i cili na sigurojë disa ditë mjaft të këndshme tashmë është dobësuar dhe mbi rajonin tonë kanë filluar të depërtojnë vranësira në kuadër të masave ajrore ciklonike të cilat po depërtojnë gradualisht dhe si pasojë sonte gjatë mbrëmjes dhe natës do të fillojnë reshje shiu në shumicën e territorin të Republikës së Kosovës, Shqipërisë, Maqedonisë së Veriut dhe Malit të Zi.
Reshjet e shiut do të jenë të intensitetit të ndryshëm dhe do të jenë kryesisht kalimtare. Në disa vise kryesisht në Shqipëri mund të ketë edhe rrebeshe lokale shiu me ndonjë vetëtimë dhe bubullimë. Që nga nesër priten përsëri intervale kohore me diell, por edhe reshje lokale shiu, por me tendencë të ndërprerjes së reshjeve.
Nga e hëna na pret mot relativisht i ngrohtë, me intervale kohore me diell dhe vranësira të herëpashershme, por pa reshje atmosferike./Meteoballkan
