Cikloni bombë nga Atlantiku verior po depërton drejt vendeve baltike dhe Skandinavisë duke përkeqësuar në mënyre dramatike motin në Gjermani, vendet e Beneluksit, Skandinavi, Evropën qendrore dhe pastaj në lindje të Evropes dhe Rusi.
Fatmirësisht për vendet tona nuk do të goditemi direkt nga ky ciklon masiv por do të jemi në periferi të masave ciklonike duke u përfshirë nga frontet më të dobësuara të këtyre masave shumë të fuqishme ciklonike, prandaj për territoret tona nuk ka ndonjë rrezik të madh potencial.
Sa më shumë në veri të Gjermanisë erërat do të jenë edhe më të fuqishme duke arritur forcën e erërave uraganike, ndërkohë që erëra shumë të fuqishme parashihen edhe në Danimarkë.
Siç kemi theksuar edhe në shumë postime tjera paraprake stuhi të fuqishme shiu e bore pritet të ndodhin që nga Gjermania, në Evropen qendrore e lindore, shtetet e Beneluksit, e sidomos shtetet Baltike dhe Skandinavi e deri në Ukrainë e Rusi. Stuhi bore priten edhe deri në Rumani dhe lindje-verilindje të Serbisë.
Territoret tona do të kemi destabilizim të motit me reshje të përziera shiu, shqote e bore. Ulja e temperaturave do të jetë afatshkurtrë, ngase nga vikendi rikthehen rrymimet e forta ajrore nga jugperëndimi e perëndimi që kiushtëzojnë depërtimin e masave të ngrohta ajrore nge Mesdheu e Afrika Veriore./MeteoBallkan
