Temperaturat mjaft të larta në shumë pjesë të Kontinentit Evropian dhe depërtimi i një fronti të fuqishëm të ftohtë ajror nga Atlantiku do të mund të shkaktojë stuhi intensive këtë fundjavë sidomos të Dielen në shumë që nga verilindja e Spanjes, pastaj në pjesët qendrore dhe lindore të Francës ku priten suhitë më intensive, pastaj të Dielen pritet të destabilizohet jugu i Gjermanisë dhe Zvicra.
Fillimisht këto stuhi do të jenë të izoluara, por të fuqishme, ndërsa të dielen me avansimin e frontit të ftohtë disa nga stuhi pritet të zhvillohen fuqishëm sidomos në jug të Gjermanisë, veri të Italisë dhe shumë pjesë të Zvicres.
Lindja e Frances po ashtu do të jetë shumë e afektuar së bashku me veriun e Italisë, madje disa stuhi të fuqishme mund të depërtojnë në pjeset qendrore të Italisë.
Fronti i fuqishëm do të jetë kufiri mes temperaturave të larta në jug dhe lindje dhe ato të freskëta në veriperëndim dhe perëndim dhe pikëtakimi i këtyre masave ajrore do të jetë infuzion për stuhitë më të fuqishme gjatë një apo dy ditëve të ardhshme.
Fronti do të depërtojë edhe në Ballkan por shumë i dobësuar sidomos në viset tona do të dobësohet.
Të shtpresojmë që të paktën të kemi ndonjë rrebesh shiu që do të zbuste sadopak situatën me thatësinë e madhe gjatë javës së re./MeteoBallkan
