Gjatë këtij viti në Spanjë dhe Portugali kanë rënë sasira shumë më të mëdha shiu se në viset tona, ndërsa valët e nxehtësisë nga Afrika veriore po tentojnë të depërtojnë në Evropë duke përfshirë shumë pjesë të Germanisë, Francës, Spanjes dhe normalisht Italinë dhe Ballkanin.
Sot dhe nesër në shumë pjesë të Spanjës priten zhvillime të stuhive të fuqishme të shiut veror me breshër dhe rrebeshe të forta shiu. Përderisa veriu i Spanjes është dukshëm më i freskët me ardhjen e masave të freskëta nga Atlantiku, në jug të Spanjes kemi nxehtësi ekstreme. Stuhi të fuqishme pritet të zhvillohen në jugperëndim- perëndim të Spanjes duke lëvizur drejt qendres dhe veriut e lindjes dhe kjo është vija ndarëse mes temperaturave ekstreme të nxehta nga jugu dhe atyre të freskëta nga perëndimi e veriperëndimi.
Gjermania është përfshirë nga valë nxehtësie, por masa ajrore më të freskëta depërtojnë dhe freskojnë motin me stuhi në juglindje të vendit. Stuhi lokale me bubullima priten edhe në Zvicer dhe pjesë të Austrisë.
Stuhitë më të fuqishme me shi e breshër priten në pjesë të Spanjes dhe pastaj në territorin e Francës.
Në perëndim dhe veri të këtyre rajoneve që i përmendëm kemi temperatura më të freskëta, ndërsa në jug dhe lindje ku jemi edhe ne kemi temperatura mjaft të larta dhe ndikim të plotë anticiklonik.
Ndikimi anticiklonik në viset tona do të vazhdojë edhe ditëve të ardhshme me mundësi që të premten pasdite të kemi një depërtim të “zbehtë” të këtyre sistemeve që i përmendëm më lartë.
Sivjet edhe në Evropë po vazhdon një mot mjaft dinamik me depërtime të fuqishme të nxehtësisë nga Afrika veriore dhe stuhi loakle herë pas here me freskim nga Atlantiku. Pas stuhive lokale që pritet të ndodhin në rajonet që i përmendëm më lartë, valë të reja nxehtësie pritet të përfshijnë shumë pjesë të Evropes, sidomos Italinë, jugun e Gjermanisë, Zvicren, Austrinë, Francën dhe noramlisht Spanjën.
Këto valë nxehtësie do të shtrihen edhe në viset tona siç e përmendëm në rubrikën tonë të “!motit javor”.
Për dallim nga Evropa që po freskohet nganjëherë, në viset tona mund të kemi shpresë të Premten. Mbetet të shihet evoluimi i sakltë i gjendjes sinoptike./MeteoBallkan
