Në fotografinë kryesore kemi temperaturat gjatë ditës së sotme ku për shkak të depërtimit të një fronti të dobët të ftohtë ajror kemi ulje të temperaturave sidomos në Kosovë dhe viset tjera kontinentale. Temperaturat në Kosovë nuk arriten mbi 7 gradë Clesius, ndërsa në Maqedoninë Veriore rreth 14 gradë Celsius në jugperëndimin e skajshëm. Në Shqipëri ishte më nxehtë ku shihen temperatura nga 14 deri në 18 gradë Celsius, ndërsa në jugun e skajshëm ato arriten deri në 20 gradë Celsius. Gjatë natës do të ketë minuse në shumicën e territorit të Republikës së Kosovës, por edhe në Maqedoni, ndërsa në Shqipëri minuse do të ketë vetëm në lindje, juglindje dhe ver- verilindje të vendit si dhe në idisa vise tjera kodrinore-malore. Minuset nuk do të jenë të thella.
Ky front i dobët ajror është i thatë dhe kalimtar dhe përpos uljeve të temperaturave reshje atmosferike nuk pritet të ketë. Pas frontit kemi ngritjen e lartë të presionit atmosferik dhe kjo nënkupton mot tërësisht të thatë.
Nga nesër masa ajrore pak më të nxehta pritet të rikthehen, por mëngjeset do të jenë të ftohta dhe vende-vende me mundësi për mjegull. Nxehtësia do të ndjehet vetëm gjatë mesditës në të gjitha ato rajone ku nuk do të ketë mjegull./Meteoballkan
FOTO : METEOCIEL