Agjencia Shtetërore Amerikane e Oqeanisë dhe Atmosferës (NOAA) ka publikuar një raport të rregullt mujor mbi klimën globale për muajin gusht 2018 dhe verën klimatike në hemisferën veriore. Sipas këtyre të dhënave, vera e vitit 2018 në kontinentin ishte ishte më e ngrohta në historinë e matjeve të temperaturave, njofton MeteoBallkan. Për Europën, sa u përket temperaturave kontinetale NOAA regjistron të dhënat që nga viti 1910.
Temperatura mesatare në tre muajt e verës në Evropë ishte 2.16 ° C më e lartë se mesatarja (1910-2000). Pra, vera e këtij viti në Evropë ishte më e ngrohtë se vera e vitit 2003, e cila deri më tani ka shënuar verën më të ngrohtë (+ 1.90 ° C më e ngrohtë se mesatarja). Për herë të parë, temperatura mesatare e verës kontinentale në Evropë është mbi 2 ° C më e lartë se mesatarja në 109 vitet e fundit të regjistrimit të të dhënave të temperaturave kontinentale.
Në verën e vitit 2018, Franca është bërë me verën e dytë më të ngrohtë në historinë e matjes së temperaturave (që nga viti 1900). Temperatura mesatare e verës prej 21.2 ° C ishte 2.0 ° C më e lartë se mesatarja (1981-2010). Më ngrohtë ishte vetëm në verën e vitit 2003 me një devijim temperature prej + 3.2 ° C.
Edhe në Gjermani vera kjo verë ishte vera e dytë më e ngrohtë në historinë e matjeve të temperaturave (të dhënat ekzistojnë që nga viti 1881). Temperatura mesatare e verës prej 19.3 ° C ishte 2.2 ° C më e lartë se mesatarja (1981-2010). Më ngrohtë ishte vetëm në verën e vitit 2003 (+ 2.6 ° C).
Në Austri (të dhënat regjistrohen tash e 252 vjet), vera e viti 2018 ishte vera e katërt më e nxehtë (+ 2.0 ° C). Më ngrohtë ishte vetëm në verën e vitit 2003 (+ 28 ° C), 2015 (2.4 ° C9 dhe 2017 (‘2.1 ° C).
Holanda ka regjistruar një verë rekord të ngrohtë prej më shumë se 300 vjet të regjistrimit të të dhënave të matjeve të temperaturës. Temperatura mesatare prej 18.9 ° C ishte 1.9 ° C më e lartë se mesatarja. Kjo është një anomali më e lartë prej 0.2 ° C sesa vera më e nxehtë e vitit 1826. /Meteo Ballkan
Devijimi i temperaturave mesatare të verës në Evropë nga viti 1910 deri në vitin 2018 (për periudhën 1910-2000). (Burimi: NOAA)
