Ministri i Shëndetësisë, Armend Zemaj ka folur për masat e reja që pritet të merren ditëve në vijim kundër përhapjes së koronavirusit në Kosovë.
Zemaj ka thënë se do të ketë kufizim në disa aktivitete dhe nuk e ka përjashtuar orën policore.
“Do të ketë kufizim të grumbullimeve, aktivitete qofshin private apo publike, do të ketë kufzim të kohës së veprimative në gastronomi, qendra tregtare.
Nuk po respektohen masat si duhet, nuk po kanë mundësi e as kapacitete, duhet të shtojmë kapacitete zbatuese. Masat do të merren në veçandi për Prishtinën dhe disa komuna të tjera. Nuk e përjashtojmë vendosjen e orës policore.
Aktualisht jemi në limitet e zonës së gjelbër. Nuk mund të lejojmë si ka ndodhur në korrik”, ka thënë Zemaj në Klan Kosova.
