Këto ditë temperaturat në verilindje të Rusisë kanë rënë nën -40 ° C, ndërsa ajri i akullt nga Siberia ka arritur në perëndim, dmth. në pjesën evropiane të Rusisë, dhe temperatura ra deri në -15 ° C. Bëhet fjalë për ajrin e akullt dhe shumë të thatë, sepse ka një anticiklon shumë të fuqishëm, ndërsa në periferi është pak më ngrohtë me borë gjersa borë po bie edhe në jug të Rusisë.
Edhe këtë mbrëmje -41 °C, është temperatura në një nga vendet më të ftohta në planet.
Bëhet fjalë për një fshat në pjesën verilindore të Rusisë, që konsiderohet si vendi më i ftohtë i banuar në Tokë, njofton MeteoBallkan.
Fshati Oymyakon gjendet në Republikën Saha, në pjesën lindore të Siberisë. Që nga viti 1926 në këtë vend mbizotërojnë temperatura të ulëta, ku ajo më e ulëta që ndonjëherë është shënuar ka shkuar deri në minus 71.2 gradë Celsius.
Në këtë fshat jetojnë 500 njerëz, makinat parkohen vetëm brenda garazheve dhe dyqanet shesin vetëm peshk dhe mish.
Pavarësisht të ftohtit, falë ajrit të pastër, ushqimit të shëndetshëm dhe ujit të pastër, banorët e Oymyakonit njihen për jetëgjatësinë.
