Përderisa kemi dobësimin e anticiklonit “rus” i cili ishtë përgjegjës për thatësinë e madhe të ditëve dhe javëve të kaluara, tani do të kemi depërtimin e ajrit të ftohtë siberik në drejtim të rajonit tonë. Ky depërtim i ajrit të ftohtë do të shkaktojë reaksion në Mesdhe ku do të krijohet cikloni me të reshura atmosferike. Modelet globale kompjuterike kanë dallime të mëdha për momentin se si do të rrugëtojë ky ciklon dhe ku do të ketë më së shumti të reshura atmosferike.
Sidoqoftë, duhet pritur edhe një apo dy ditë derisa modelet të stabilizojnë rezultatet e tyre. Një është e sigurtë se i ftohti po vije dhe do të kemi edhe të reshura por për sasinë llojin dhe vendin se ku do të kemi këto të reshura duhet pritur edhe pak në mënyrë që të jemi të sigurtë. Sonte në mbrëmje do të postojmë dhe do të tregojmë për dy modelet kryesore të cilat pak a shumë do të na ndihmojnë të kuptojmë se në cilat kahje po shkon situata sinoptike./meteoballkan
