Në Kiev për shkak të përkeqësimit të motit dhe borës së madhe që po bie që nga mëngjesi, kanë ndodhur rreth 300 aksidente trafiku.
Sipas agjencisë ukrainase Unian, zyrtarët policor deklaruan se situata në trafik është e komplikuar për shkak të kushteve të motit, njofton MeteoBallkan.
Ai vuri në dukje se policia kishte paralajmëruar qytetarët t’i kushtonin vëmendje sigurisë teknike të automjetit dhe zëvendësimit të gomave të dimrit.
“Ne jemi dëshmitarë të një numri të madh të aksidenteve të trafikut për shkak të situatës aktuale. Aktualisht kanë ndodhur rreth 300 aksidente në Kiev, duke filluar nga mëngjesi, që është një numër mjaft i madh”, tha ai.
Agjencia thotë se dëbora filloi të binte këtë mëngjes dhe se rreth 350 skuadra ishin të angazhuara në pastrimin e dëborës në Kiev. /MeteoBallkan
