Një anticiklon me mot stabil pritet të shtrihen në Mesdheun perëndimor duke përfshirë edhe rajonin tonë. Ky anticiklon do të kushtëzojë stabilizim të plotë të motit në rajonin tonë duke rritur edhe temperaturat.
Edhe nesër në Kosovë priten vranësira dhe ndoshta edhe fjolla sporadike bore, por moti do të ketë tendëncë stabilizimi. Temperaturat po ashtu pritet të shënojnë rritje nga dita e nesërme e sidomos nga pasnesër.
Edhe temperaturat minimale pritet të rriten dhe mund të ndodhë që disa ditë të mos kemi madje as ngrica me ndonjë përjashtim normal. Temperaturat maksimale pritet të arrijnë deri në 14 – 15 gradë Celsius të enjtën dhe të premtën, madje mund të ndodhë që të jetë edhe më e lartë, ngase në Ballkan priten temperatura deri afër 20 gradë Celsius./MeteoBallkan
