Ditëve të ardhshme në Evropë priten stuhi mjaft të fuqishme nga Atlantiku të cilat mund të shkaktojnë edhe dëme të mëdha materiale, prandaj apelohet për kujdes të shtuar nga bashkatdhetarët tanë.
Stuhitë më të fuqishme priten që nga Britania e Madhe, pastaj shtetet e Beneluksit, siç janë Hollanda dhe Belgjika, pastaj Gjermania, Franca veriore dhe lindore, Polonia, shtetet Baltike dhe Sknadinave e pastaj drejt Bjellorusisë dhe Rusisë. Kjo është përfaërsisht trajektorja e stuhive mjaft të fuqishme që pritet të godasin njëra pas tjetrës shtetet e lartëpërmendura. Erërat pritet të jenë mjaft të fuqishme me shpejtësi nga 80 deri në 100km/h, madje në Britaninë e Madhe priten erëra uraganike deri në 160km/h. Përpos erërave shumë të fuqishme ciklonet e thella nga Atlantiku pritet të kushtëzojnë edhe shtrëngata të fuqishme shiu me vetëtima, bubullimë dhe breshër.
Përderisa Evropa po përgaditet për mot jashtëzakonisht jo-stabil, në rajonin tonë nga nesër na pret mot kryesisht stabil dhe me rreze diellore si dhe me rritje të temperaturave. Reshje shiu të intensitetit kryesisht të dobët priten dielën pasdite./MeteoBallkan
