Një shtëpi e vendosur në kufirin mes Gaziantepit dhe Kahramanmaraş, dy nga rajonet më të prekura nga tërmetet e fuqishme që goditën Turqinë më 6 shkurt, përfundoi 2,5 metra në tokë. Një banor i zonës u shpreh se fqinjët e tij ranë në gropën e krijuar nga tërmeti kur dolën nga shtëpia.
Edhe pse shtëpia ishte vetëm njëkatëshe pësoi dëmtime të rënda dhe është kthyer e pabanueshme, por për fat të mirë banorët nuk pësuan lëndime.
Sabri Beyazıt, pronari i shtëpisë, u shpreh se në momentin e parë të tërmetit kishte menduar se shtëpia e tyre ishte goditur nga një makinë. Ai shtoi se në fshatin e vogël me vetëm 20 shtëpi, vetëm 3 kanë mbetur pa dëmtime nga tërmetet e fuqishme.
