Gajtë kësaj jave në Kosovë dhe rajon pritet të kemi mot mjaft të ndryshueshëm, por temperaturat fillojnë të shënojnë rritje graduale duke kulmuar të enjtën.
Java filloi me reshje shiu të cilat do të vijnë duke u dobësuar dhe lokalizuar, por reshjet e shiut rikthehen të premtën.
Të martën dhe të mërkurën na pret mot paksa më i ngrohtë, me vranësira e intervale kohore me diell. Reshjet e shiut do të jenë të rralla dhe sporadike.
E Enjtja do të jetë dita më e ngrohtë e javës me rritje të ndjeshme të temperaturave që do të shoqërohet me intervale të gjata kohore me diell. Erërat jugore dhe jugperëndimore do të fuqizohen si pasojë e afrimit të një fronti të fuqishëm të ftohtë ajror që pritet të sjellë reshje shiu të premtën.
Të premtën do të kemi ardhjen e një cikloni nga veriperëndimi i Kontinentit që do të kushtëzojë vranësira të dendura dhe reshje shiu. Reshjet e shiut në disa intervale pritet të jenë të dendura, ndërsa reshje bore parashihen vetëm në malet më të larta
Për fundjavë na pret përsëri mot i ndryshueshëm, me vranësira të shpeshta, intervale kohore me diell dhe reshje të herëpashershme lokale shiu. Mund të ketë edhe rrebeshe lokale me ndonjë vetëtimë dhe bubullimë.
Pra, gjatë kësaj jave temperaturat shënojnë rritje dhe reshjet do të pushojnë përkohësisht. Reshjet e shiut rikthehen të premtën kur do të kemi destabilizim të motit dhe ulje të temperaturave, por nuk priten ulje të theksuara të temperaturave.
Gjatë fundjavës mot i ndryshueshëm, me vranësira, riga shiu e intervale kohore me diell.
Ishte ky parashikimi javor i motit. Për çdo ndryshim eventual do të njoftoheni me kohë në postimet tona të përditshme./MeteoBallkan