Rrymime të ftohta ajrore nga veriu po mbajë temperaturat e ulëta sot ndërsa vranësirat do të fillojnë të shpërndahen gradualisht. Pas kalimit të frontit të ftohtë dhe reshjeve kalimtare të shiut do të pasojë përmirësimi gradual i motit për shkak të depërtimit të një mase të përkohshme ajrore anticiklonike.
Megjithatë, nuk duhet të presim përmirësim të plotë të motit për shkak se Mesdheu është jashtëzakonisht aktiv me masa të fuqishme ajrore ciklonike. Një ciklon i ri me qendër në brigjet e Afrikes Veriore do të niset në drejtim të Italisë edhe ashtu e dërmuar nga reshjet e shumta dhe vërshimet që kanë shkaktuar viktima njerëzore.
Ne do të jemi larg këtyre masave ciklonike, por ndikimi i tyre do të jetë evident. Nesër (e premte) do të kemi mot më stabil dhe më të qete, por priten vranësira ditore që do të pengojnë rritjen e temperaturave në shumë rajone. Riga afatshkurtra krejtësisht të dobëta shiu priten vetëm lokalisht aty-këtu. E shtuna do të jetë më e ngrohtë dhe me më shumë intervale kohore me diell, por në Shqipërinë perëndimore do të depërtojnë vranësira nga deti që do të jenë pengesë për rrezet e diellit. Erërat në Kosovë do të fillojnë të fryjnë nga juglindja që do të jenë më të ngrohta, ndërsa rrymimet ajrore do të jenë me origjinë nga Mesdheu.
Rrebeshet lokale të shiut do të rikthehen nga e diela kryesisht orëve të pasdites dhe reshjet do të jenë të karakterit lokal. Java e ardhshme do të jetë më e ngrohtë, por jo-stabile./METEOBALLKAN
