Më shumë se 40 shtëpi të vendosura midis Antwerp dhe Mechelen u goditën nga një tornado pasditen e së mërkurës.
Ndërsa pjesë të mëdha të Belgjikës kanë parë shira të dendur në ditët e fundit, rajoni Onze-Lieve-Vrouw-Waver në juglindje të Antwerp përjetoi një lloj moti më ekstrem, përcjell Telegrafi.
Kështu, një tornado thuhet se lëvizi nëpër komunat Sint-Katelijne-Waver dhe Putte vonë të mërkurën pasdite.
Dhe policia u kërkoi shoferëve të shmangin qendrën e fshatit Sint-Katelijne-Waver gjatë mbrëmjes.
🌪 Een heuse #tornado vanmiddag over de grens bij Brabant in België! Er is veel schade veroorzaakt: de kracht van dit exemplaar is goed te zien op deze video. Gemaakt door een inwoner…
Video via: Sander Petré (fb) pic.twitter.com/wgR9yid3vb
— Wouter van Bernebeek (@StormchaserNL) January 3, 2024
Sipas raportimeve, disa kasolle gjithashtu u bënë copë-copë dhe ka dëme në disa varreza.
Gjithsej 40 banesa janë dëmtuar dhe dy banesa janë shpallur të pabanueshme ndërsa banorët gjetën strehë tek të afërmit.
Ky fenomen është më i zakonshëm në Belgjikë sesa mendohet zakonisht.
Instituti Mbretëror Meteorologjik (RMI) vlerëson se ka pesë deri në dhjetë stuhi ere në vend çdo vit.
Ndërkohë janë publikuar pamje që tregojnë forcën e vërtetë të tyre.
