Nesër në Kosovë do të mbajë mot mjaft i ndryshueshëm, në mëngjes dhe paradite me ndonjë rrebesh të izoluar shiu me vetëtima dhe bubullimë, intervale kohore me diell, ndërsa pasdite dhe në mbrëmje priten zhvillime të fuqishme të vranësirave të cilat do të sjellin rrebeshe lokalisht të fuqishme shiu me vetëtima dhe bubullimë.
Në tërë rajonin nesër pritet mot i ndryshueshëm dhe me zhvillime të fuqishme të vranësirave pasdite të cilat do të shoqërohen me rrebeshe të fuqishme lokale shiu me vetëtima dhe bubullimë. Ka mundësi që përsëri të ketë breshër vende-vende.
Edhe pasnesër në tërë rajonin pritet të kemi mot mjaft jostabil dhe të ndryshueshëm, me zhvillime vranësirash herë pas here të cilat do të sjellin rrebeshe lokalisht të fuqishme me vetëtima dhe bubullimë.
Ditën e Fiter Bajramit në mëngjes dhe paradite mund të kemi mot më stabil, kurse pasdite përsëri priten rrebeshe lokale shiu me vetëtima dhe bubullimë.
Të mërkurën gjithashtu pasdite priten rrebeshe lokale me vetëtima dhe bubullimë, ndërsa nga e enjta rrebeshet do të rrallohen dukshëm si dhe do të kemi ngritje të theksuar të temperaturave. Nga e premta pritet të kemi mot veror, me diell dhe mjaft i nxehtë./Meteoballkan
