Mbrëmë pati reshje bore në veri dhe verilindje të Kosoves dhe viset malore në rajonet tjera, ndërsa sot pritet të kemi një valë të re reshjesh bore që do të fillojnë përsëri në veri dhe verilindje të vendit për tu përhapur në pjesët tjera të Republikës së Kosovës.
Do të jetë kjo një valë e re reshjesh bore, kalimtare që do të formojë shtresa dekorative vetëm në disa rajone veqanërisht në mbrëmje. Reshje bore priten në gati tërë territorin e Kosoves me përjashtim të ultësirave të Dukagjinit dhe ultësirave në juglindje të Kosovës ku reshjet e bores mund të mungojnë, ose mund të paraqiten fjolla sporadike bore vende-vende.
Në viset tjera priten reshje paksa më intensive dhe shtresa dekorative sidomos në veri, verilindje disa vise në pjesët qendrore dhe viset kodrinore-malore.
Reshjet do të pushojnë gjatë natës, ndërsa shtresat e borës vende-vende mund të qëndrojnë deri të mërkurën kur pritet të kemi vranësira të reja e reshje shiu. Fillimisht të mërkurën mund të ketë reshje bore, por me fuqizimin e erërave jugore dhe rritjen e temperaturave ato do të shndërrohen në reshje shiu që mund të jenë intensive.
Pra, një goditje kalimtare polare e cila do të zbutet të mërkurën me reshje shiu, erëra jugore e rritje të temperaturave./MeteoBallkan