Pas një periudhe mjaft të gjatë të nxehtësisë afrikane dhe thatësisë ekstreme më në fund shihen disa shenja të afrimit të reshjeve të shiu në territorin e Republikës së Shqipërisë. Reshjet do të vijnë nga deti dhe fillimisht do të jenë të karakterit lokal, të shoqëruara me rrebesh me vetëtima dhe bubullimë. Vende-vende dhe herë pas herë pas here priten rrebeshe të fuqishme shiu me vetëtima dhe bubullimë dhe kjo vlen edhe për bregdetin shqiptar dhe të gjitha viset mesdhetare të Shqipërisë që nga veriu e deri në jug.
Duke pas para sysh se Shqipëria ka shtrirje të gjerë gjeografike nuk mund të themi se reshjet do të jenë gjithëpërfshirëse, por më së shumti reshje priten në veri, veriperëndim, jug dhe disa vise në qendër të vendit. Rrebeshet e shiut do vijnë me intervale, pra nuk priten reshje gjatë tërë kohës, por herë pas here. Ka mundësi që të ketë edhe stuhi intensive me vetëtima dhe bubullimë.
Reshjet do të fillojnë nesër (të martën), në disa zona të izoluara edhe sot dhe do të vazhdojnë herë pas here dhe vende-vende edhe të mërkurën dhe të enjten. Reshjet të izoluara dhe me intervale do të ketë edhe në disa vise në Kosovë dhe Maqedoninë e Veriut. Gjatë ditës së premte nuk priten reshje atmosferike, kurse për fundjavë pritet një ciklon nga Italia veriore i cili do të sjellë reshje të reja shiu në tërë rajonin. Vende-vende priten reshje intensive shiu./Meteoballkan
