Pasiqë stuhitë e fuqishme po zhvillohen ne Evropen qendrore dhe pjesë të Ballkanit, sonte një sasi e vogël e ajrit jo-stabil mund të shkaktojë destabilizim të atmosferës edhe në disa vise të Republikës së Kosovës.
Në radhë të parë zhvillime të ndonjë stuhie të izoluar mund të kemi në viset malore në veriperëndim dhe juglindje të Kosovës.
Ndonjë rrebesh mund të ndodhë edhe në viset tjera të Republikës, por mos pritni freski dhe shi në tërë territoron ngase stuhi dhe freski do të ketë vetëm në disa zona të izoluara.
Rrebeshet priten orëve të pasdites, por mund të zhvillohen edhe orëve të mbrëmjes.
Përndryshe përkundër ndonjë rrebeshi eventual po vazhdon vala ekstreme e nxehtësisë, e cila do të vazhdojë edhe në fillim të javës së re.
Freskia e cila vjen sonte do të jetë afatshkurtër dhe do të ndodhë vetëm në ato zona ku ka vranësira dhe rrebeshe eventuale.
Për freskim dhe rrebeshe më të përhapura duhet të presim afërsisht deri pas mesit të javes së re./MeteoBallkan
