Sipas informacioneve në faqen e Presidencës së Menaxhimit të Fatkeqësive dhe Emergjencave (AFAD), një tërmet me magnitudë 5.1 ballë është regjistruar në Detin Marmara në orën 10.42.
U përcaktua se tërmeti, 4.73 kilometra larg brigjeve të rrethit Mudanya të Bursës, ndodhi në një thellësi prej rreth 8.98 kilometra nën sipërfaqen e detit, shkruajnë mediat e huaja, përcjell Telegrafi.
Nga ana tjetër, një tjetër tërmet me magnitudë 4.5 ballë është regjistruar në të njëjtin vend në orën 10.45.
Ministri i Punëve të Brendshme, Ali Yerlikaya, deklaroi se pas tërmetit në Gjirin Gemlik të Detit Marmara, të gjitha ekipet e institucioneve përkatëse, veçanërisht AFAD, janë dërguar në rajon për punë skanimi në terren.
👉#Bursa (Yerel saat 10:42:30). Depremi hissettiniz mi? Deneyiminizi paylaşın:
🌐https://t.co/AXvOM7I4ThGözlemleriniz, depremin etkisini anlamak için önemlidir.🙏
— EMSC (@LastQuake) December 4, 2023
Në postimin e tij në llogarinë e tij në rrjetet sociale, ministri Yerlikaya deklaroi se po ndjekin nga afër zhvillimet pas tërmetit me magnitudë 5.1 që ndodhi në brigjet e Gemlik në detin Marmara dhe i cili u ndje në krahinat përreth.
Guvernatori i Stambollit, Davut Gül, në një postim në llogarinë e tij në rrjetet sociale, tha: “Tërmeti është ndjerë edhe në qytetin tonë. Falë Zotit, ende nuk ka ardhur asnjë raport. Përpjekjet e skanimit po vazhdojnë…Zoti na ruajt nga të gjitha llojet e aksidenteve dhe telasheve”.
#Marmara Denizi #Gemlik Açıklarında 5️⃣,1️⃣ büyüklüğünde meydana gelen ve çevre illerden de hissedilen depremde, başta AFAD olmak üzere ilgili kurumlarımızın tüm ekipleri saha tarama çalışmaları için bölgeye sevk edilmiştir.
Gelişmeleri yakından takip ediyoruz.
Depremden…
— Ali Yerlikaya (@AliYerlikaya) December 4, 2023
Edhe guvernatori i Bursës, Mahmut Demirtaş, deklaroi për korrespondentin e AA-së se caktuan me shpejtësi ekipet përkatëse për skanimin e aktiviteteve në terren për shkak të tërmetit dhe tha: “Deri më tani nuk ka asnjë lajm negativ që na ka ardhur, përfshirë Mudanya dhe Gemlik. Nuk ka as njoftim, ekipet tona janë në terren”.
